KERKESE PER OFERTE
EuropeAid/163516/DD/ACT/AL-2
Në kuadër të projektit “UNË MARR PJESË! ZËRI IM, VOTA IME VLEN!”
_____________________________________________________________________________________
Instituti për Studime Politike (ISP), në bashkëpunim me Komitetin Shqiptar të Helsinkit (KShH) dhe Civil Rights Defenders (CRD), nëpërmjet nismës “Unë marr pjesë! Zëri im, vota ime vlen” të financuar nga Bashkimi Europian synon të fuqizojë qytetarët dhe shoqëritë civile që të angazhohen, të promovojë, dhe të advokojnë e monitorojnë proceset demokratike.
Në kuadër të zbatimit të këtij projekti, ISP shpall thirrjen për angazhimin e një Përkthyesi /Interpreter në gjuhën angleze.
Përkthyesi bazuar në kërkesat dhe të dhënat e vendosura në dispozicion nga stafi i ISP, duhet të angazhohet në: Përkthimin simultan anglisht- shqip-anglisht në platformë online zoom for business – ofruar nga vetë përkthyesi/studio.
Angazhimi i përkthyesit do të jetë për 3 konsultime me pjesëmarrjen e 2 eksperteve të huaj si dhe ekspertë shqiptarë për periudhën qershor 2021, datat dhe ora e të cilave do të vendoset në bashkëpunim me stafin e ISP.
ISP inkurajon aplikimet nga kandidatë, të cilët janë të interesuar për t’u angazhuar si përkthyes në këtë proces dhe plotësojnë këto kritere të aftësisë individuale, dhe aftësisë profesionale në vijim:
Edukimi dhe aftësitë profesionale
- Të ketë diplomë ose licence përkthimi të gjuhës angleze;
- Të ofrojë përkthim simultan dhe interpretim konsekutiv gjatë 3 aktiviteteve të projektit
- Të sigurojë prezencën e një përkthyesi të dytë si partner;
- Të ketë eksperiencë profesionale disa vjeçare si interpreter në përkthim me organizata ose OJF.
Kualifikimet:
– Të jetë i/e diplomuar në fakultetin e gjuhëve të huaja;
– Shkathtësi të shkëlqyeshme përkthimi dhe interpretimi në gjuhën Shqipe dhe Angleze;
-Të ketë aftësi shumë të mira komunikimi dhe bashkëpunimi në ekip;
-Të jetë i/e përgjegjshëm për respektimin e detyrave dhe afatet e vendosura;
Të interesuarit të dërgojnë:
- Kopje të diplomës së gjuhës së huaja apo licencë përkthimi
- Ofertë financiare në euro
Personat e interesuar janë të lutur të dërgojnë një ofertë financiare deri në datën 25 qershor 2021 në formë elektronike në adresën e e-mailit [email protected], me postë ose dorazi në adresën: Rr “Luigj Gurakuqi”, Shk. A, P.89 K.3, Ap 16, Tiranë.
Vetëm kandidati i përzgjedhur do të kontaktohet për të vijuar me lidhjen e kontratës.
Faleminderit!
Instituti i Studimeve Politike
