Zgjedhjet parlamentare 2021 administron nga një KQZ me kompozim të ri në tri organe: Komisioneri Shtetëror i Zgjedhjeve, Komisioni Rregullator dhe Komisioni i Ankimimeve dhe Sanksioneve. Kodi Zgjedhor ngarkon me përgjegjësi KQZ të zhvillojnë konsultime me shoqërinë civile dhe aktorët politikë lidhur me aktet nënligjore dhe për informim cilësor mbi vendimmarrjet e rëndësishme me ndikim në procesin zgjedhor.
Komisioneri Shtetëror ka zhvilluar dy takime periodike konsultative me shoqërinë civile, si dhe takime periodike edhe me organizata të veçanta monitoruese, përfshirë ISP. Organet e tjera të KQZ nuk kanë zhvilluar asnjë takim konsultimi për aktet e tyre apo informim mbi aktivitetin, sfidat dhe problematikat. Sistemi i sugjerimeve online mbi projekt-taktet nuk ka rezultuar efektiv; pjesa më e madhe e tyre nuk janë marrë në konsideratë nga strukturat vendimmarrëse në KQZ.
Në 5 muajt e fundit KQZ ka miratuar gjithsej 139 vendime dhe udhëzime, nga të cilat 122 akte i përkasin Komisionerit Shtetëror, 13 akte dhe KAS 4 akte. Shoqëria civile dhe media kanë qenë kritikë në lidhje me disa akte, sidomos vendimmarrjet e KAS, duke sugjeruar përmirësime ligjore në vetë aktet e miratuara të KQZ që lidhen me përdorimin e burimeve shtetërore në procesin elektoral, me financimin elektoral dhe me transparencën.
ISP nxit dhe rekomandon organet qendrore përbërëse të KQZ për më shumë transparencë, informim dhe gjithëpërfshirje ndaj përgjegjësive dhe vendimmarrjeve, në funksion të rritjes së standardeve të legjislacionit dhe të vetë procesit zgjedhor.
Instituti i Studimeve Politike (ISP) është duke monitoruar KQZ dhe fushatën elektorale, si pjesë të angazhimit në projektin “Monitoring the 2021 Parliamentary Elections in Albania” mbështetur financiarisht nga qeveria e Mbretërisë së Bashkuar përmes ambasadës britanike në Tiranë.
