Gjykata Kushtetuese me vendim V-35/25 ka konfirmuar mekanizmin kushtetues dhe demokratik të të drejtës së një të pestës së deputetëve për vënien në lëvizje të GJK në rastet kur Kuvendi rrëzon mocionet e pakicës. Praktika e konmfirmuar kushtetuese është një prej standardeve demokratike për jetësimin e kontrollit kushtetues, balancës dhe ndarjes së pushteteve, si dhe për kontrollon nga minoranca të qeverisjes së mazhorancës.
Bazuar në këtë vendim, në praktikat e mira europiane, në detyrimet e Shqipërisë në kuadrin integrues dhe në aktet ligjore në fuqi lidhur me funksionimin e institucioneve demokratike, Instituti i Studimeve Politike (ISP) vlerëson:
- Pas reformës në drejtësi pritshmëritë publike për një sistem të së drejtës më efikas, profesional dhe me integritet ende janë larg përmbushjes cilësore. Gjykata Kushtetuese e Kuvendi kanë përgjegjësi thelbësore për këtë.
- Kuvendi i RSH duhet të marrë në shqyrtim vendimin e GJK dhe reflektimin e këtij parimi në të gjitha aktet e brendshme rregullatore, si dhe për korrektimin e akteve të veta të marra në kundërshtim me këtë parim gjatë legjislaturës së fundit.
- Gjykata Kushtetuese mund e duhet të jetë më aktive dhe më profesionale për mbrojtjen e parimeve demokratike kushtetuese, për vendimmarrje që parandalojnë, evitojnë ose zgjidhin kriza politike/institucionale, për njësim të standardeve e normave të gjykimit dhe për rol thelbësor në forcimin dhe garantimin e parimeve të shtetit të së drejtës dhe demokracisë funksionale.
