Bilanci i reformës në drejtësi, standardet e deritanishme, risitë dhe problematikat, niveli i efikasitetit të institucioneve të vettingut, përfshirë Komisioni i Pavarur i Kualifikimit (KPK), Kolegji i Posaçëm i Apelimit (KPA), Komisioneri Publik (IKP), Misioni Ndërkombëtar (ONM) – janë e mbeten elementë më rëndësi në gjykimin e reformës dhe në raport me pritshmëritë e mëdha publike.
Instituti i Studimeve Politike (ISP) vijon prej dy vitesh të monitorojë dhe analizojë reformën në drejtësi dhe efikasitetin e institucioneve e strukturave të saj, – si dhe të paraqesë një panorame ndryshe dhe shumë më konkrete të bilancit të reformës, bilancit të rivlerësimit dhe problematikave komplekse që shoqërojnë ato. Ky është raporti i radhës, përmbledhës për bilancin 2018 dhe 2019, dhe që reflekton zhvillimet në reformën në drejtësi deri më datë 25.08.2019.
Raporti ka të dhëna mbi premtimet e pa mbajtura të politikës dhe institucioneve të drejtësisë për vetë drejtësinë, gjendjen në Gjykatën Kushtetuese, GJL, SPAK dhe ILD. Ai ofron të dhëna të shumta për komisionerët e KPK dhe KPA, vendimet dhe bilancin, kohëzgjatjen e vendimeve, efektivitetin si relatorë, rastet e votës në pakicë, ata më “liberalë” dhe ata “më të ashpër”, ata më efektivë dhe ata më pak efektivë, standardet dhe problemet, rastet e debatueshme dhe gjetjet më tipike. Raporti analizon edhe ONM, cilët vëzhgues ndërkombëtarë janë më aktiv në ankimime si dhe raporti me IKP. Këto e shumë detaje të tjera, në raportin unik të ISP për 2019.
Raporti i plotë “Reforma në Drejtësi: Bilanci 2018-2019 – Monitorim, Analizë, Problematika“ mund të lexohet & shkarkohet këtu:
ISP – REFORMA NE DREJTËSI – BILANCI 2018-2019 (30-08-2019)
