Kuvendi i Shqipërisë ka rol thelbësor në shprehjen e sovranitetit qytetar, mirëqeversisjen e vendit, jetësimin e demokracisë funksionale dhe shtetit të së drejtës. Ushtrimi i këtyre përgjegjësive kërkon një parlament cilësor dhe me integritet, transparent dhe llogaridhënës.
Instituti i Studimeve Politike (ISP), me përvojë të gjatë në monitorimin e Kuvendit dhe aktivitetit parlamentar, është duke monitoruar nivelin e zbatimit të Kodit të Sjelljes dhe praktikat antikorrupsion.
Projekti shtrihet në periudhën shtator 2023 – korrik 2024, është i mbështetur nga programi për demokraci i Ambasadës Amerikane në Tiranë dhe përfshin:
• Broshurë informative mbi integritetin parlamentar: praktikat në Bashkimin Europian dhe Ballkanin Perëndimor
• Monitorim i zbatimit integral të Kodit të Sjelljes nga deputetët
• Monitorimi dhe raportimi sasior dhe cilësor i diskursit politik parlamentar
• Tryeza diskutimi (1) dhe forume të hapura (4) me katër universitete
• Fushatë informuese me spote (3), “alert system” (10) dhe infografikë (5)
• Bashkëveprim në rrjet me ekspertë, shoqëri civile dhe media
• Evidentim dhe adresim i rasteve problematike në institucione
• Raporte me gjetjet dhe rekomandimet për Kuvendin dhe institucionet
Koha për jetësimin cilësor të standardeve të Kodit të Sjelljes!
Koha për një parlament me integritet, transparent dhe llogaridhënës!
Ky video informative është realizuar në kuadër të projektit “Një parlament me integritet: Kodi i Sjelljes, Transparenca dhe Llogaridhënia”, i cili po zbatohet nga ISP me mbështetjen financiare të Programit të Granteve të Vogla të Komisionit për Demokraci të Ambasadës së SHBA në Tiranë. Opinionet, gjetjet, konkluzionet dhe rekomandimet e shprehura janë të ISP-së dhe nuk përfaqesojnë domosdoshmërisht ato të Departamentit të Shtetit.
