Reforma zgjedhore vijon të jetë temë prioritare në Shqipëri; ajo aktuale është e 12-ta në 20 vjet. Nuk ka mbaruar ende dhe siç ka nisur, duket se do të ketë të njëjtin fat si ato të mëparshmet. Një reformë serioze, funksionale, afatgjatë dhe efektive kërkon transparencë, përfshirje, seriozitet, jetësim të nenit 9 të Kushtetutës së RSH (organizimi demokratik i partive, pjesëmarrja në institucione/zgjedhje, transparenca e llogaridhënia financiare). aktualisht Komisioni i Reformës ka konsumuar 80% të afatit kohor, por ende është te drafti i parë i ligjit për financimin e partive politike. Kodi Zgjedhor dhe Ligji i partive politike ende nuk janë trajtuar.
Si person që e studioj prej vitesh aktivitetin e partive dhe adresoj propozime lidhur me legjislacionin, ndryshimet e nevojshme dhe modelet referuese, por edhe si drejtues i ISP, organizatë që ka eksperiencë të gjatë në monitorimin dhe vlerësimin e integritetit të reformave zgjedhore dhe reformave në legjislacionin tërësor mbi partitë dhe sistemin përfaqësues, kisha mundësi 4 minuta të dëgjohem në seancën e djeshme të komisionit.
Bashkëngjitur opinioni im modest brenda 4 minutave, si dhe linku me 22 rekomandimet konkrete që kemi depozituar në Kuvend.
Linku i rekomandimeve: https://isp.com.al/opinion-dhe-rekomandime-mbi-ligjin-per-financimin-e-partive-politike/?
Linku i videos: https://youtu.be/AVJrJKCcgpA?si=E1Lh2y1qavwVtjvX
