Në vijim të ndjekjes së problematikave që lidhen me përdorimin e burimeve shtetërore në funksion elektoral, pjesë e projektit të ISP Për zgjedhje të ndershme: Të ndalojmë shpërdorimin e burimeve shtetërore” të mbështetur nga USAID përmes programit “Zhvillimi dhe Bashkëpunimi i Përshpejtuar i Shoqërisë Civile”, ISP i adresoi KQZ një kërkesë për ndërhyrje si pjesë e përgjegjësive që burojnë nga Kodi Zgjedhor. KQZ e vlerësoi shqetësimin dhe përmes një letër iu drejtua të gjitha institucioneve për heqjen e logove dhe simboleve shtetërore nga aktivitetet elektorale partiake.
Në letrën e ISP theksohej se gjatë monitorimit të përdorimit të burimeve zyrtare në funksion të fushatës elektorale, ISP ka konstatuar se portali zyrtar “Me Ty për Shqipërinë që Duam”, i cili prezantohet në çdo faqe zyrtare të ministrive dhe në hyrje të çdo godine qeveritare, si dhe promovohet vazhdimisht nga ana e Z.Kryeministër, është njëherësh edhe logo, foto dhe reklamë e njehsuar me të gjitha zyrat elektorale të subjektit politik, Partia Socialiste. Stafi i ISP ka fotografuar mbi 67 raste të përdorimit të së njëjtës foto dhe sigël në institucionet e qeverisë dhe në zyrat elektorale të subjektit politik, Partia Socialiste. Ne mendojmë se njësimi i fotografisë dhe portalit “Me Ty për Shqipërinë që Duam” vlerësojmë se përbën një shkelje flagrante të dispozitave ligjore në fuqi, pasi reflekton haptazi propagandë politike në funksion të subjekteve zgjedhore, që aktualisht konstituojnë mazhorancën qeverisëse.
Konkretisht, ky akt vjen në kundërshtim me nenin 88 të Kodit Zgjedhor të RSH (ndryshuar), i cili parashikon ndalimin kategorik të përdorimit të burimeve publike në mbështetje të subjekteve zgjedhore, të kandidatëve ose të koalicioneve në zgjedhjet politike dhe administrative, si dhe me ligjin Nr. 8580, “Për Partitë Politike” (ndryshuar), i cili thekson se transmetimi i reklamave të prodhuara, financuara apo paguara nga institucionet shtetërore apo çdo ent tjetër shtetëror apo publik në favor të subjekteve politike është kategorikisht i ndaluar. ISP e ka adresuar shqetësimin e tij edhe në rrugë prane Zyrës së Kryeministrit dhe ka marrë përgjigje nga Agjencia për Dialog dhe bashkëqeverisje, ku midis të tjerash thuhet se “ju bëjmë me dije se çdo parti politike është e lirë që të përdorë logo/sigël/foto etj., të platformës së bashkëqeverisjes, për aq kohë sa përdorimi madje dhe asistenca teknike e dhënë nga stafi i partive politike në funksion të qytetarëve, është në përputhje me misionin dhe qëllimin që ka platforma e bashkëqeverisjes, e cila në thelb është në ndihmë të qytetarit si urë përcjellëse e problematikave të tij në raport me institucionet e administratës shtetërore të cilat e kanë autoritetin ligjor për ti dhënë ligjshmërinë qytetarit”. Ne vlerësojmë se përgjigjia e mësipërme është interpretim i gabuar i ligjit dhe një qëndrim negativ mbi sjelljen e institucionit ndaj detyrimeve ligjore që burojnë nga legjislacioni zgjedhor dhe ai mbi partitë politike në Shqipëri.
Në këto rrethana, kërkojmë nga ana juaj si autoriteti vendimmarrjes, adresimin e kësaj problematike dhe marrjen e masave të menjëhershme për të ndryshuar, mbyllur ose shkëputur nga faqet zyrtare të ministrive dhe institucioneve të tjera në varësi siglën dhe foton qendrore të portalit “Me Ty për Shqipërinë që Duam” si veprim që diktohet nga zbatimi i legjislacionit në fuqi, garantimit të standardeve demokratike për zgjedhje dhe shmangies së ndikimit apo mbështetjes me burime shtetërore të çdo aktiviteti apo propagande politik që nuk është në përputhje me ligjin.
BASHKËNGJITUR MUND TË SHKARKOHET KORESPODENCA MIDIS ISP DHE KQZ DHE LETRA E KQZ ADRESUAR INSTITUCIONEVE
SHKRESA E KQZ DREJTUAR INSTITUCIONEVE DHE DOKUMENTACIONI PERKATES I ISP
RAPORTIMET NE MEDIA LIDHUR ME LETREN DHE REAGIMIN E KQZ
http://www.panorama.com.al/po-perdor-infrastrukturen-shteterore-per-fushaten-elektorale-kqz-akuza-qeverise/?fbclid=IwAR1oCxkkpmplflU6WhW_Dwlxt_39Ww_tZPpdjG6tgnzaIE7R71LUgHmSGfM
http://www.gazetadita.al/ministri-te-partise-qeveria-nen-akuze-per-shkelje-te-ligjit-zgjedhor/?fbclid=IwAR1bq1Cnl_R1Q0I0i-71NY9MmDMVz2WA1DBwqkS4k95BGu3B_Nyzv5v_ru4
https://www.reporter.al/qeveria-nen-akuze-per-shkelje-te-ligjit-zgjedhor/
