Zgjedhje me një legjislacion të ri penal kundër krimeve zgjedhore? Informim i publikut se nëse vota preket, dënimet do të jenë të ashpra? Garanci se më në fund individët abuzues me votën dhe ligjin do të përballen me drejtësinë? Ne jemi mirë me deklarata dhe reklama, por është koha për të parë veprime konkrete.
Që në nisje të fushatës elektorale dhe më parë, në periudhën e monitoruar 4 muaj përpara datës së zgjedhjeve ka pasur raporte dhe ankime për shkelje të legjislacionit zgjedhor. Deri tani nuk ka informacion nëse ka hetime penale lidhur me krimet zgjedhore. Ligji 148/2020 i jep të drejtës KQZ të kërkojnë informacion nga Prokurori i Përgjithshëm dhe Drejtuesi i Prokurorisë së Posaçme për gjendjen dhe rezultatet e hetimeve penale për çështjet zgjedhore dhe të dhënat përdorën për nevojat e informimit publik.
Qytetarët kanë nevojë të shohin standarde më të lartë zgjedhore dhe sjellje të re ndaj çdo forme të krimit zgjedhor dhe çdo shkelje të ligjit. Ndaj KQZ e Prokuroria mund të jetësonin një memorandum të detajuar bashkëpunimi, si në praktikën e zgjedhjeve 2013 dhe 2017 lidhur me krimet zgjedhore. KQZ mund të kërkojë informacione javore dhe të informojë publikun, si formë e rritjes së besimit publik tek standardet zgjedhore dhe ligji.Drejtesia (e re) dhe nevoja per sjellje jetike institucionale dhe me integritet te saj lidhur me zgjedhjet! Ne Elbasan dy subjekte politike vleresojne se ka konflikt interesi, institucionet kane pergjegjesi te ofrojne standarde etike dhe shmangie te çdo ndikimi & nderhyrje politike ne aktivitetin e organeve te drejtesise!
Instituti i Studimeve Politike (ISP) është duke monitoruar KQZ dhe fushatën elektorale, si pjesë të angazhimit në projektin “Monitoring the 2021 Parliamentary Elections in Albania” mbështetur financiarisht nga qeveria e Mbretërisë së Bashkuar përmes ambasadës britanike në Tiranë.
