Zgjedhjet në PD. Risi dhe problematika! Koha për politikë dhe politikanë të pastër! Zgjedhjet në partitë politike dhe lista e kandidatëve për parlamentin (2021) janë sprovë serioze për jetësimin e procesit të dekriminalizimit, vettingut në politikë dhe integritetit në përfaqësim!
Instituti i Studimeve Politike (ISP) po monitoron proceset zgjedhore në partitë kryesore politike, si dhe kandidatët për zgjedhjet parlamentare 2021. ISP pret që partitë të respektojnë standardet e ligjit 138/2015 dhe ato të sanksionuara në rregullat etike brenda partive. Shqipëria meriton politikanë dhe zyrtarë të pastër, të pa korruptuar dhe me integritet të lartë.
Mesazh i ISP për rastin e Partisë Demokratike!
ISP përshëndet vendim e PD-së për të larguar nga lista kandidatëve për deputet një ish-depuetet që humbi mandatin për shkak të procesit të dekriminalizimit, si dhe një ish drejtues të lartë të shpallur fajtor nga gjykata për korrupsionin.
Nga ana tjetër, ISP nxit PD-në të aplikojë standarde të tilla edhe për disa prej kandidatëve për deputetet të përfshirë në skandale korruptive apo me tregues kritikë integriteti, bazuar në praktika më të mira në EPP.
ISP apelon PD-në të bëjë publike në faqen zyrtare të saj Kodin e Etikës, CV e anëtarëve të kryesisë, të sekretariatit, të kryesisë së degëve, si dhe të gjithë kandidatëve për deputetë. Çdo individ që synon poste të larta politike dhe zyrtare duhet të demostrojnë integritetin të lartë, transparencë dhe përgjegjësi publike. Ne besojmë se transparenca është përgjigjia e duhur drejt këtyre standarteve.
