Në kuadër të bashkëpunimit me Kuvendin, Instituti i Studimeve Politike (ISP), zhvilloi trajnim njëditor me gratë deputete. Aktiviteti mbështetet nga programi MATRA i Ambasadës së Mbretërisë së Vendeve të Ulta (Holandës). Në këtë trajnim në aktivitetin hyrës ishin të pranishme, Ambasadorja e Holandës në Shqipëri, Znj. Guusje Korthals Altes , Ndihmës Shefja e Zyrës së Marrëdhënieve me Publikun në ambasadën e SHBA-së në Tiranë, znj. Lucia Straley, si dhe përfaqësues të ambasadave etj, si dhe organizatat partnere bashkë-organizatore “Rrjeti i Grave Barazi në Vendimmarrje” dhe NDI.
Trajnimi i ISP u realizua nga dy ekspertet e njohura holandeze, Maud van de Ëiel and Julia Ëouters, të cilat kanë përvoja profesionale për më shumë se dy dekada. Cështje të trajnimit ishin tematikat që kanë të bëjnë me rolin e grave në politikë, përfaqësimin gjinor dhe politik, raportet me median dhe publikun, bashkëpunimi midis deputetëve dhe komunikimi publik, debatet dhe aktiviteti parlamentar.
Pjesëmarrës në trajnim ishin më shumë se 55% e grave deputete që aktualisht përfaqësohen në grupe të ndryshme politike ose të pavarura në Kuvend, kryesisht drejtuese në komisione dhe politikane aktive në aktivitetin politik dhe parlamentar në vend. Trajnimi dhe bashkëpunimi do të vijojë edhe në të ardhmen përgjatë legjislaturës, në funksion të nevojave të deputetëve e Kuvendit, si dhe sfidës për rritjen e cilësisë dhe standardeve të përfaqësimit në partitë politike dhe në vendimmarrjen politike në Shqipëri.
