Përafrimi i legjislacionit me BE dhe procesi i reformave për shtet të së drejtës dhe demokraci funksionale kërkojnë edhe hartimin e një legjislacioni bashkëkohor mbi partitë politike. Organizimi, funksionimi dhe aktiviteti i Partive janë përfshirë në Kushtetutë. Rregullimi i akteve nënligjore është detyrim, nevojë dhe sfidë.
Instituti i Studimeve Politike (ISP) ka adresuar rekomandime konkrete lidhur me legjislacionin e ri mbi partitë politike.
Natyra dhe baza e reformës në legjislacionin mbi partitë:
- Të jetë produkt konsensual dhe gjithëpërfshirës;
- Të bazohet në praktikat e mira të vendeve të BE-së;
- Të reflektojë përvojën dhe reflektimet nga mangësitë;
- Të respektojë specifikat dhe prioritetet e Shqipërisë;
- Të pasqyrojë vendimet e Gjykatës Kushtetuese;
- Të adresojë rekomandimet nga Komisioni i Venecias;
- Të përfshijë rekomandimet ndër vite nga OSBE;
- Të ketë harmonizim me legjislacionin zgjedhor.
Rekomandimet prioritare lidhur me legjislacionin mbi partitë politike:
- Të reflektojë parimet e nenit 9 të Kushtetutës së RSH-së;
- Të nxisë demokraci funksionale dhe pjesëmarrje politike;
- Të ligjërojë ndarje të qartë të partive nga shteti;
- Të trajtojë regjistrimin dhe legjitimitetin e partive;
- Të përfshijë demokracinë e brendshme dhe zgjedhjet;
- Të sigurojë mekanizma transparence dhe llogaridhënie;
- Të mundësojë lirinë e mendimit, karrierës, konkurrimit;
- Të krijojë mekanizma demokratikë funksionimi.
Ky factsheet është realizuar në kuadër të projektit “Përmirësimi i kuadrit ligjor për partitë politike përmes Ligjit për Partitë Politike dhe/ose Kodit Zgjedhor”, i cili realizohet nga Instituti i Studimeve Politike (ISP) me Fondacionin Westminster për Demokraci (WFD) me mbështetje financiare nga Ambasada Britanike në Tiranë.
