Procesi i raportimeve vjetore të institucioneve të pavarura kushtetuese të krijuara me ligj përbën një prej angazhimeve prioritare të Kuvendit në ushtrimin e mbikëqyrjes parlamentare, forcimin e transparencës dhe llogaridhënies, si dhe të standardeve të shtetit të së drejtës.
Në ushtrimin e këtij funksioni, Kuvendi i RSH ka tashmë një traditë të pasur, të mjaftueshme, që përmes analizës dhe vlerësimeve të krijojë modele pozitive referimi, standarde të larta të njësuara dhe përmirësime në aktet apo praktikat rregullatore.
Nga monitorimi i deritanishëm për periudhën mars-tetor 2024 rezulton se:
- Kuvendi e përmbylli me vonesë procesin e raportimeve vjetore, duke devijuar nga standardet e mira;
- Kuvendi ende nuk ka krijuar standarde të njësuara raportimi, monitorimi dhe vlerësimi për institucionet në mbikëqyrje;
- Kuvendi nuk ka përmbushur funksionin zgjedhor në disa institucione të pavarura, me pasojë në nivelin e efikasitetit të tyre;
- Jo gjithnjë deputetët njohin kompetencat e institucioneve në raportim, parakusht për vlerësimin e tyre vjetor;
- Rekomandimet nga Kuvendi dhe kërkesat ndaj tij nuk trajtohen gjithnjë me identifikim të qartë dhe monitorim për zbatim;
- Raportimet vjetore nuk janë pasuar ende me raportime specifike lidhur me problematikat dhe veçoritë e tyre;
- Rikthimi i konsultimeve midis Kuvendit dhe institucioneve të pavarura është pozitiv, por duhet shndërruar si standard;
- Nismat apo komisionet e posaçme duhet të sigurojnë se respektojnë integritetin dhe pavarësinë e institucioneve;
- Procesi i raportimeve vjetore duhet të shoqërohet me reflektim edhe të vlerësimeve / rekomandimeve nga shoqëria civile.
Ky factsheet bëhet në kuadër të projektit “Rritja e llogaridhënies së qeverisë përmes një Parlamenti më reagues”, i cili realizohet nga Fondacioni Westminster për Demokraci (WFD) me mbështetje financiare nga Ambasada Britanike në Tiranë. Informacioni dhe pikëpamjet e shprehura në këtë factsheet janë ato të ISP-së dhe nuk pasqyrojnë domosdoshmërisht opinionin zyrtar të WFD-së, financuesve të saj apo Qeverisë së Mbretërisë së Bashkuar. As WFD dhe as ndonjë person që vepron në emër të saj, nuk mund të mbahet përgjegjës për përdorimin që mund t’i jetë bërë informacionit që ai përmban.
