Instituti i Studimeve Politike (www.isp.com.al) është ideator dhe realizues i projektit të muzeut virtual www.muzeuimemories.al. Projekti ka pasur mbështetjen e Ministrisë së Kulturës dhe është zhvilluar në dy faza: ideimi dhe realizimi i muzeut virtual online, si dhe eksperimentimi social i efekteve të tij tek komunitetet e caktuara, sidomos grupmoshat e reja, të lindura pas vitit 1990. Pjesë e eksperimentit social ishte zhvillimi i pyetësorit mbi të kaluarën komuniste në Shqipëri me gjimnazistë të Tiranës të grupmoshave 17-19 vjeç.
EKSPERIMENTI SOCIAL bazohet në këtë metodë: të rinjtë ftohen të japin përgjigje me shkrim (anonime) në një pyetësor që përmbledh të dhënat më tipike të karakteristikave të jetës në periudhën komuniste në Shqipëri. Pyetjet lidhen edhe me vetë sistemin, kufizimet e lirive qytetare, drejtuesit e tij dhe raportet e qytetarit brenda sistemit dhe me vetë sistemin. Më pas të rinjtë ftohen të vizitojnë ekspozitën Muzeu i Memories me foto dhe të dhëna përfaqësuese mbi periudhën komuniste. Pasi ata vizitojnë muzeun dhe marrin të dhëna shtesë, ftohen përsëri të plotësojnë një formular të dytë me 80% pyetje të njëjta me formularin e parë. Ideja e eksperimentit është të analizohen njohuritë e brezit të ri, të krahasohen këto njohuri me fazën përpara dhe pas vizitës në Muzeun e Memories dhe të tërhiqen rekomandime të mundshme që burojnë nga perceptimet rinore mbi periudhën komuniste.
GJETJET KRYESORE TE RASTIT STUDIMOR MUND TE LEXOHEN / SHKARKOHEN ME POSHTE:
