Shqipëria ka nisur bisedimet për anëtarësim në BE, por ende nuk ka shënuar progres lidhur me zgjidhjen e problematikës mbi personat e zhdukur gjatë periudhës 1945-1990. Zbulimi i varreve ka të bëjë me rivendosjen e drejtësisë, rehabilitimin, vlerave morale të një shoqërie dhe procesin e pajtimit drejt një shoqërie më humane.
Instituti i Studimeve Politike (ISP), me përvojë të gjatë në trajtimin e memories ndaj së kaluarës, është duke realizuar projektin “Mbi viktimat e kufirit: Informim e sensibilizim për viktimat e vrasjeve dhe zhdukjeve gjatë arratisjeve në kufi gjatë viteve 1988-1991”. Projekti zgjat 1 vit dhe mundësohet nga Komisioni Ndërkombëtar për Personat e Zhdukur (ICMP) përmes mbështetjes financiare nga Bashkimi Evropian në Shqipëri.
Qëllimi i projektit është i dyfishtë:
• Informimi publik mbi rastet e personave të vrarë ose të zhdukur në përpjekje për arratisje në vitet 1986-1990.
• Jetësimi i dialogut konstruktiv me institucionet, si dhe sensibilizimi publik, mediatik i brezave të rinj mbi të drejtat e njeriut, kujtesën përmes drejtësisë, dialogun mbi të kaluarën si vlerë për progresin e qëndrueshëm të së ardhmes.
Produkte të projektit do të jenë:
• Database dhe broshurë informative me të dhënat mbi vrasjet në kufi apo në përpjekje për largim nga vendi; rastet e personave të zhdukur dhe pa varr; problematikat ligjore dhe administrative, përgjegjësitë dhe sfidat prioritare;
• Identifikimi i gjetjeve më të rëndësishme dhe adresimi i rekomandimeve konkrete për institucionet dhe publikun;
• Monitorimi i ligjërimit politik (politika dhe parlamenti) dhe publik (media tradicionale dhe mediat e reja) mbi vrasjet në kufi dhe personat e zhdukur;
• Produkte sensibilizuese: ekspozita informuese për të rinjtë, video dhe infografikë informues;
• Forume diskutimi në katër qytete kufitare, debate në TV dhe prezantime në tryeza ndërkombëtare brenda e jashtë vendit.
Të gjitha produktet dhe gjetjet do të jenë publike në faqen www.isp.com.al dhe www.muzeuimemories.info
Koha për standarde të larta të jetësimit të drejtësisë tranzitore!
Koha për një shoqëri reaguese, pjesëmarrëse dhe humane ndaj personave të zhdukur!
Kjo video u mundësua me mbështetjen financiare të Komisionit Ndërkombëtar për Persona të Zhdukur (ICMP) me fonde nga Bashkimi Evropian. Pikëpamjet e shprehura në këtë video janë përgjegjësi vetëm e ISP-së dhe nuk duhet t’i atribuohen ICMP-së, donatorëve të tij ose Shteteve Palë.
