Baza ligjore: Policia e Shtetit ka rol thelbësor në garantimin e sigurisë dhe zbatimin e ligjit gjatë gjithë procesit elektoral. Aktiviteti i saj është kushtetues, ligjor dhe me mbështetje publike.
Problemi? Përfshirja e disa ish oficerëve të lartë të policisë si kandidatë në zgjedhje, disa incidente dhe disa raportime mbi ndikime politike mbi policinë janë shoqëruar me akuza dhe shqetësime lidhur me rolin e policisë në zgjedhje dhe modelin që ajo paraqet përpara qytetarëve.
Rekomandimi? Drejtuesit e Policisë së Shtetit duhet të evitojnë çdo formë të identifikimit të saj me parti dhe kandidatë të caktuar, të hetojnë çdo rast denoncimi dhe të sigurojnë rend, qetësi dhe përgjegjshmëri gjatë dhe pas procesit elektoral të 14 majit 2023.
Ky infograf realizohet në kuadër të projektit “Fuqizimi i integritetit të zgjedhjeve dhe i qëndrueshmërisë së partive politike”, loti “Forcimi i rolit monitorues dhe kërkesës së llogarisë nga qytetarët nëpërmjet shoqërisë civile, medias dhe mbështetjes akademike”, zbatuar nga Komiteti Shqiptar i Helsinkit (KSHH) në partneritet me Institutin e Studimeve Politike (ISP), BIRN Albania dhe Qëndresa Qytetare(QQ), mbështetur financiarisht nga Ambasada Britanike.
