Dekreti i Presidentit ka përcaktuar datën e zgjedhjeve parlamentare të vitit 2025. Ato janë një test i rëndësishëm maturie dhe aftësie për institucionet dhe vendin për të aplikuar standarde të larta zgjedhore dhe përfaqësimi.
Procesi elektoral i vitit 2025 përballet me disa dukuri dhe problematika, të cilat meritojnë vëmendje dhe adresim.
• Parlamenti bëri ndryshme të pjesshme në reformën zgjedhore. Disa rekomandime mbi administrimin zgjedhor, financimin, median online, etj, mund / duhet të adresohen.
• Ndryshimet në sistemin e votimit krijojnë dy kategori kandidatësh. Ato kufizojnë konkurrimin/ sistemin e primareve brenda partive.
• Mbrojtja ligjore e integritetit të votës mbetet e brishtë. Institucionet ligjzbatuese ende nuk kanë miratuar strategji dhe akte konkrete në këtë drejtim.
• Vota e diasporës është pozitive. Jetësimi i votës, mekanizmat monitorues apo kostot e shpenzimeve për aktivitetet kërkojnë adresim ligjor dhe administrativ.
• Financimi elektoral vijon të jetë i brishtë përballë raportimeve mbi fuqinë financiare të grupeve kriminale.
• Partitë politike nuk kanë përdorur ende mekanizmat parandalues të integritetit për verifikimin e strukturave dhe kandidatëve të tyre.
• Gjuha dhe ligjërimi politik mbeten burime tensioni dhe konfliktualiteti. Partitë nuk kanë miratuar ende programe elektorale, as kanë reformuar sjelljen zgjedhore.
Zgjedhjet përcaktohen nga standardet, vota aktive dhe pjesëmarrja qytetare. Koha e mbetur deri në zgjedhje është e mjaftueshme për përmirësime të kuadrit rregullator dhe zgjedhje më të mira.
Kuvendi, qeveria, KQZ, partitë dhe institucionet e tjera kanë përgjegjësinë të jenë transparente, aktive dhe llogaridhënëse lidhur me përgjegjësitë zgjedhore.
Koha për standarde, për zgjedhje të lira dhe të barabarta!
Link: https://www.youtube.com/watch?v=TMPMkolvkc0
Kjo video bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, mbështetur nga Ambasada e Mbretërisë së Vendeve të Ulta përmes programit MATRA. Përmbajtja e dokumentit është përgjegjësi vetëm e autorit dhe e Institutit të Studimeve Politike.
