Zgjedhjet vendore 2023 po afrohen dhe shoqëria civile ka rol thelbësor në monitorimin e tyre. Instituti i Studimeve Politike (ISP) është pjesë aktive bashkë me partnerin, Akademia e Studimeve Politike (APS). Përgjatë dy viteve ISP do angazhohet në identifikim dhe adresim të rekomandimeve për reformën zgjedhore, në informim cilësor të qytetarëve dhe në promovimin dhe përfshirjen e shoqërisë civile mbi standardet zgjedhore.
Kalendari i aktiviteteve përfshin:
• Analizë të kuadrit ligjor aktual 2023 dhe 2025
• Identifikim dhe adresim institucional të rekomandimeve prioritare
• Sondazh mbi përceptimet qytetare mbi reformën zgjedhore
• Monitorim i KQZ, Kuvendit, qeverisë, partive politike dhe institucioneve
• Monitorimi i zgjedhjeve lokale (2023) dhe parlamentare (2025)
• 15 deklarata të përbashkëta me OShC të tjera
• 10 raporte periodike për zgjedhjet
• 10 konsultime me fokus – grupe
• 10 forume të hapura në universitete (Tiranë, Shkodër, Vlorë, Durrës, Elbasan)
• 30 infografikë informativ “alert system”
• 6 video informuese dhe 10 video të shkurtra edukuese
• 2 broshura informuese (zgjedhjet vendore 2023, zgjedhjet parlamentare 2025)
• 30 angazhime në debate televizive dhe artikuj në media
• 2 konferenca: zgjedhjet lokale dhe zgjedhjet parlamentare
Zgjedhjet bëhen me qytetarët dhe për qytetarët. Jetësimi i standardeve zgjedhore janë sfida për institucionet, partitë politike dhe shoqërinë. Koha për politikë të pastër dhe standarde të larta zgjedhore.
Kjo video bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, me mbështetjen e Ambasadës së Mbretërisë së Vendeve të Ulta në Shqipëri.
