Të gjithëve na ndodh të dëgjojmë se vota në Shqipëri tregtohet. Disa e blejnë, disa e shesin, disa e shkëmbejnë. Dhe harrojmë se Shqipëria është ende vend në tranzicion pikërisht për këtë arsye, sepse vota, përfaqësimi dhe sovraniteti tregtohet.
Koha të mendojmë për një Shqipëri më të mirë, më të zhvilluar, më demokratike. Hapi i parë për ta bërë këtë është respekti ndaj votës dhe refuzimi i tregtimit të saj.
Unë jam Eva Koitraka dhe ky është mesazhi im për zgjedhjet vendore 2023.
Ky video-mesazh bëhet në kuadër të projektit “Zgjedhjet vendore 2023: monitorimi i rolit të qeverisë dhe burimeve shtetërore, i cili mbështetet financiarisht nga fondacioni gjerman “Konrad Adenauer” në Shqipëri.
