Baza ligjore në fuqi
Kushtetuta e RSH dhe normat ndërkombëtare të pranuara theksojnë parimin se të drejtat dhe liritë themelore të njeriut janë të pandashme, të patjetërsueshme e të padhunueshme, si edhe se askush nuk mund të diskriminohet padrejtësisht për shkaqe të tilla si : feja, bindjet politike, fetare, etj.
Problematika e konstatuar
Shqipëria nuk ka arritur ende të krijojë ndarje morale dhe të drejtë me të kaluarën, sidomos me viktimat me motive politike. Vrasjet në kufi, kriza e ambasadave, vrasjet politike brenda vendit, si dhe lista e gjatë e personave pa varr mbetën trashëgimi negative.
Rekomandime për ndërhyrje
Shqipëria duhet të shpallë vitin dedikuar qytetarëve të vrarë, të zhdukur apo të denigruar e dënuar për shkak të bindjeve politike, si një hap thelbësor për reflektim shoqëror, rehabilitim, ndarje të drejtë me të kaluarën dhe inspirim për një shoqëri më qytetare.
Ky infografik është realizuar në kuadër të projektit “Mbi viktimat e kufirit: Informim e sensibilizim për viktimat e vrasjeve dhe zhdukjeve gjatë arratisjeve në kufi gjatë viteve 1988-1991”, i cili po mundësohet nga International Commission on Missing Persons, ICMP përmes grantit të financiar nga Bashkimi Evropian në Shqipëri. Përmbajtja është përgjegjësi vetëm e ISP-së.
