Baza aktuale ligjore? Kodi Zgjedhor, bazuar në dakordësinë politike të vitit 2020, parashikon aplikimin gjithnjë e më të gjerë të votimit dhe numërimit elektronik në zgjedhjet parlamentare. KQZ kërkon kohë, burime njerëzore dhe buxhet specifik për pajisjet elektronike, personelin dhe zbatimin e votimit.
Problematika e konstatuar? Mosmarrëveshjet politike midis partive kryesore mbi (mos)besimin tek votimi dhe numërimi elektronik kanë pamundësuar konsensusin dhe penguar KQZ-në për avancimin e përgatitjeve për zgjedhjet e vitit 2025.
Zgjedhje dhe rekomandime? Kuvendi i RSH-së ka përgjegjësinë të nxisë dhe realizojë dialog politik ndërpartiak për të mundësuar konsensus mbi praktikat e votimit, partitë kanë përgjegjësi për premtimet dhe KQZ duhet të ketë në kohë të gjithë bazën ligjore të kërkuar për të programuar votimin.
Ky infografik bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, me mbështetjen e Ambasadës së Mbretërisë së Vendeve të Ulta në Shqipëri.
