Parlamenti është Institucioni kryesor i politikës, institucioni kryesor vendimmarrës, pushteti legjislativ, me rol thelbësor në cilësinë e qeverisjes dhe stabilitetin politik të vendit, me përfaqësim politik pluralist dhe përfaqësim të qytetarëve, zonave zgjedhore, përvojave dhe prurjeve të ndryshme politike.
Parlamenti miraton ligje, zgjedh Presidentin dhe qeverinë, kryen funksion mbikëqyrës ndaj institucioneve të pavarura dhe funksion zgjedhor, si dhe ka rol me rëndësi në qasjen e vendit drejt integrimit në BE.
Sa përputhet pozita politike & kushtetuese me pritshmëritë publike dhe “parlamentin që kemi”?Cilat janë sfidat e Shqipërisë për një parlament funksional dhe transparent?Cilat janë bazat ligjore dhe të integritetit në aktivitetin parlamentar?Sa respektohet Rregullorja e Kuvendit dhe Kodi i Sjelljes?Cilat janë strukturat përgjegjëse të Kodit të Sjelljes dhe sa funksionale janë ato?Cili është raporti midis përfaqësimit statistikor dhe cilësor në Kuvend?Si trajtohen rastet e Konfliktit të Interesit në vendimmarrjet parlamentare?Si funksionon kontrolli i brendshëm parlamentar dhe llogaridhënia?Cila është tradita jonë parlamentare e tranzicionit? Modele pozitive?Ndikimi i kulturës politike, ndikimi i liderëve politikë, ndikimi kulturorParlamenti që duam vs parlamenti që kemi: reflektime dhe sugjerimeKëto ishin disa nga temat e diskutuara sot në forumin e hapur me të rinjtë studentë dhe stafin akademik të drejtësisë në Fakultetin e Drejtësisë, Universiteti Luarasi në Tiranë. Aktiviteti krijoi mundësi për njohje më të thella të problematikave, për shprehje opinionesh dhe shkëmbime lidhur me tematikën, aktualitetin dhe sfidat e ardhshme.
Instituti i Studimeve Politike / Institute for Political Studies është duke zbatuar projektin “A parliament with integrity: Code of Conduct, transparency and accountability”, mbështetur financiarisht nga U.S. Embassy-Tirana Tiranë. Aktiviteti ishte pjesë e këtij angazhimi të ri të ISP.
