TERMAT E REFERENCËS PËR EKSPERT PËR MONITORUES PARLAMENTI
Projekti: “Parlament i pastër: llogaridhënie dhe transparencë”
Periudha: 01/04/2019-30/04/2020
Instituti i Studimeve Politike kërkon të kontraktojë një ekspert për hartimin dhe përpilimin e raporteve periodikë, që do të kryhen në kuadrin e projektit: “Parlament i pastër: llogaridhënie dhe transparencë”, i cili mundësohet nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).
Përshkrimi i projektit. ISP synon të bëjë monitorimin e gjithanshëm të detyrimeve që burojnë nga Kodi i Sjelljes lidhur me konfliktin e interesit në aktivitetin parlamentar, – monitorimin për secilin deputet, për secilin grup parlamentar, për përgjegjësitë e Kuvendit, për rolin dhe përgjegjësitë e ILDKP dhe institucioneve të tjera të përfshira direkt ose indirekt; ndjekjen e problematikave dhe raportimeve mediatike mbi këtë problematikë, si dhe sensibilizimin e Kuvendit dhe të partive politike mbi standardet e aplikimit të parandalimit të konfliktit të interesit në vendimmarrjen parlamentare.
Metodologjia:
Aktiviteti i ISP do të bazohet në tre elementë: matje sasiore, matje cilësore dhe vlerësim profesional e institucional të problematikës. Konkretisht,
-Në matjet sasiore: ISP do të bëjë monitorimin e vazhdueshëm të aktivitetit dhe të vendimmarrjes së parlamentit lidhur me komponentët e konfliktit të interesit dhe parandalimin e tij; ISP do të bëjë monitorimin e Kuvendit, organeve dhe institucioneve të lidhura me të, të përcaktuara në Kodin e Sjelljes dhe ligjin organik të ILDKP lidhur me konfliktin e interesit; ISP do të bëjë matjen e ligjërimit politik dhe institucional të deputetëve dhe të aktorëve politikë lidhur me vendimmarrjet në lidhje me konfliktin e interesit dhe rastet korruptive; ISP do të monitorojë medien kryesore në vend, lidhur me raportimet që kanë të bëjnë me konfliktin e interesit, përfshirjen e deputetëve dhe rastet e korrupsionit në parlament.
-Në matjet cilësore: monitorim përmbajtjesor të debateve parlamentare që lidhen me raportet e deputetëve me rastet e mundshme të konfliktit të interesit; monitorim përmbajtjesor të nismave parlamentare, të votimeve parlamentare dhe të deklarimeve parlamentare që mund të përbëjnë raste të konfliktit të interesit; matjen e perceptimit publik me fokus medien dhe OJF mbi konfliktin e interesit në aktivitetin parlamentar; monitorim të akteve dhe të vendimeve të Kuvendit dhe të ILDKP lidhur me rastet e konfliktit të interesit; monitorim të Regjistrit të deklarimeve mbi Konfliktin e Interesit në parlament dhe të Kodeve të Sjelljes në parlament e në partitë politike parlamentare mbi konfliktin e interesit.
-Vlerësim profesional e institucional: evidentimin e rasteve të konfliktit të interesit, angazhimin për krijimin e normave të pranuara/standardeve publike në interpretimin nga institucionet përgjegjëse të rasteve të konfliktit të interesit në vendimmarrje; ndjekjes së rasteve konkrete të evidentuara në institucionet përgjegjëse për zbatimin e legjislacionit mbi konfliktin e interesit.
Detyrat dhe përgjegjësitë
Monitoruesi duhet të kryejë:
-Monitorim përmbajtjesor të debateve parlamentare,të nismave parlamentare, të votimeve parlamentare dhe të deklarimeve parlamentare që mund të përbëjnë raste të konfliktit të interesit
-Monitorimin e Regjistrit te Deklarimit te Konfliktit te Interesit ne Parlament-ne menyre periodike.
-Monitorimin aktiv të komisionit te ligjeve, sipas axhendës parlamentare gjatë gjithë fazave të projektit-gjatë gjithë fazave të projektit.
-Monitorimin e Kodit të Sjelljes dhe respektimit të parandalimit të konfliktit të interesit në vendimmarrjen dhe aktivitetin parlamentar.
-Evidentimin dhe raportimin e çdo shkelje të procedurës, Rregullores, Kodit etj, në aktivitetin e deputetëve në parlament dhe të vetë Kuvendit në funksion të deputetëve;
-Raportimin periodik mbi monitorimin në komisione dhe në fund të cdo tremujori raportimin e detajuar me të dhënat në funksion të raportit përfundimtar;
-Plotësimin e raporteve të punës dhe Time sheet- et sipas termave të referencës përcaktuar në projekt 15 dite x 10 euro në muaj.
Aftësitë dhe përvoja e kërkuar:
Krahas të dhënave profesionale (arsimi i lartë, studime në shkencat juridike ose politike, përvoja e punës në projekte me shoqërinë civile, etj)
-Monitoruesi duhet të ketë njohuri dhe përvojë të dëshmuar rreth të aktivitetit dhe të vendimmarrjes së parlamentit lidhur me komponentët e konfliktit të interesit dhe parandalimin e tij dhe rreth legjislacionit shqiptar.
-Monitoruesi duhet të ketë përvojë në monitorim dhe/ose hartime raportesh.
Afati:
Aplikantët e interesuar duhet të dorëzojnë një ofertë dhe CV jo më vonë se 15 korrik 2019. Aplikantët do të njoftohen jo më vonë se më 17 korrik 2019.
Kandidatët e interesuar duhet të dorëzojnë një CV dhe ofertën e tyre (deri në 150 Euro/muaj), në e-mail: [email protected], ose në zyrën e Institutit të Studimeve Politike në adresën:
Instituti i Studimeve Politike
Rr. Luigj Gurakuqi,
Shk.A, P.89. Ap.16, Tiranë,
