Thirrje për një ekspert Lider
EuropeAid/163516/DD/ACT/AL-2
Në kuadër të projektit “UNË MARR PJESË! ZËRI IM, VOTA IME VLEN!”
Instituti për Studime Politike (ISP), në bashkëpunim me Komitetin Shqiptar të Helsinkit (KShH) dhe Civil Rights Defenders (CRD), nëpërmjet nismës “Unë marr pjesë! Zëri im, vota ime vlen” të financuar nga Bashkimi Europian synon të fuqizojë qytetarët dhe shoqëritë civile që të angazhohen, të promovojë, dhe të advokojnë e monitorojnë proceset demokratike.
Në saj të zbatimit të këtij projekti, ISP kërkon të angazhojë:
Një Ekspert Lider me përvojë për të kryer një studim të kuadrit ligjor lidhur me partitë politike, detyrimet ligjore dhe të drejtat që rrjedhin nga përcaktimet kushtetuese, kodi zgjedhor, procedurat parlamentare, rregulloret, statutet partiaket dhe studimeve të mëparshme për të kuptuar problematikat ekzistuese. Të dhënat e nxjerra do të shërbejnë për aktivitetet dhe publikime të lidhura me projektin, si broshura informuese, policy papers dhe një raport përfundimtar.
Eksperti do të jetë përgjegjës për:
– Kryerjen e një studimi mbi partitë politike, detyrimet ligjore dhe të drejtat e tyre që rrjedhin nga kushtetuta, kodi zgjedhor, procedurat parlamentare, rregulloret dhe statutet partiake. Analiza e këtyre të drejtave dhe privilegjeve do të ndihmojë në përcaktimin e problematikave ekzistues. Të dhënat e nxjerra do të shërbejnë për përgatitjen e publikimeve të lidhura me projektin si: takime konsultuese me grupet e interesit; broshurën, video informuese si dhe raportin përfundimtar.
– Hartimin e një pyetsori për një sondazh online, synimi i të cilit është matja e njohurive të grupeve të caktuara mbi partitë politike dhe problematikat e lidhura me to. Këto materiale do të publikohen në faqen e ISP-së në internetit dhe rrjete sociale si dhe ato të partnerëve të projektit.
– Komunikimin me përfaqësuesit e zbatimit të projektit dhe për të dorëzuar të gjithë dokumentat e kërkuara brenda afatit kohor të përcaktuar.
– Pjesëmarrjen në disa prej aktiviteteve për prezantimin e gjetjeve të projektit.
Eksperti pritet të angazhohet për 40 ditë në total përgjatë projektit.
ISP inkurajon kandidatët të cilët janë të interesuar për t’u angazhuar si ekspert lider në këtë proces dhe plotësojnë kriteret mëposhtme lidhur me aftësitë individuale, profesionale dhe formimin arsimor si vijon:
Aftësitë individuale
Të jetë i/e pavarur, i/e paanshëm dhe me integritet;
Te ketë aftësi shumë të mira komunikimi dhe bashkëpunimi në ekip dhe jo vetëm;
Te ketë aftësi analitike dhe mendimi kritik;
Te jetë i/e përgjegjshëm për respektimin e detyrave dhe afateve të paracaktuara;
Të kenë aftësi dhe përvojë me punë nën presionin e kohës.
Arsimi dhe aftësitë profesionale
Të ketë mbaruar masterin në shkenca politike, marrëdhënie ndërkombëtare apo një fushë të ngjashme (kandidatët me doktoraturë do të kenë një avantazh);
Të ketë të pakten 5-7 vite përvojë pune në një fushë që lidhet me objektivat e thirrjes;
Të ketë përvojë pune me proceset, partitë politike, parlamentin dhe zgjedhjet;
Të kenë përvojë në kryerjen e studimeve të kësaj natyre të dëshmuar me publikime të ndryshme;
Të kenë përvojë me projekt-studime i/e angazhuar si ekspert.
Të interesuarit mund të dorëzojnë aplikimin e tyre, ku të përfshihet një CV e përshtatur, një letër motivimi, një listë me publikime dhe një ofertë financiare deri në shumën 6,000 Eur. Në dokumentat shoqëruese duhet të tregohet qartë aftësitë, përvoja dhe ekspertiza e kandidatit. Dokumentat e aplikimit mund të dorëzohen deri më 18 tetor 2020, ora 17.00, në adresën e e-mailit: [email protected], me postë ose dorazi në adresën: Rr “Luigj Gurakuqi”, Shk. A, P.89 K.3, Ap 16, Tiranë.
