Standardi i Kodit të Sjelljes? Bazuar në Kodin e Sjelljes (2018) çdo deputet mund të paraqesë kërkesë për të ushtruar interpretimin e dispozitave të tij, si dhe në fund të çdo legjislature Kuvendi duhet të bëj vlerësimin e standardeve të zbatimit të tij.
Problematika e konstatuar? Nga monitorimi rezulton se Këshilli për Rregulloren, Mandatet dhe Imunitetin, si strukturë përgjegjëse, nuk është mbledhur asnjëherë për të ushtruar këtë kompetencë, ndonëse Kodi ka nevojë për debat dhe interpretim periodik.
Zgjedhje dhe rekomandime: Këshilli mund dhe duhet të angazhohet në interpretimin e dispozitave të Kodit të Sjelljes, të cilat lënë hapësira për interpretime të ndryshme apo krijojnë paqartësi. Kjo ndihmon rritjen e standardeve të transparencës dhe llogaridhënies nga deputetët dhe Kuvendi.
Ky infografik është realizuar në kuadër të projektit “Një parlament me integritet: Kodi i Sjelljes, Transparenca dhe Llogaridhënia”, i cili po zbatohet nga ISP me mbështetjen financiare të Programit të Granteve të Vogla të Komisionit për Demokraci të Ambasadës së SHBA në Tiranë. Opinionet, gjetjet, konkluzionet dhe rekomandimet e shprehura janë të ISP-së dhe nuk përfaqësojnë domosdoshmërisht ato të Departamentit të Shtetit.
