Baza ligjore në fuqi? Kodi Zgjedhor (neni 78) u ndalon subjekteve zgjedhore dhe kandidatëve të organizojnë, kryejnë apo mbulojnë shpenzimet vetë ose nëpërmjet të tretëve për koncerte, shfaqe kulturore argëtuese apo veprimtari bamirësie.
Problematika e konstatuar? Gjatë monitorimit nga ISP rezultoi se vetëm në muajin e fundit u zhvilluan më shumë se 100 aktivitete bamirësie dhe disa kulturore të financuara nga kandidatët për deputetë. Në asnjë rast nuk pati hetime administrative dhe as masa reaguese nga KQZ dhe organet ligjzbatuese.
Rekomandime për ndërhyrje? Për shkak të nivelit të lartë të shpenzimeve informale në fushatë, numrit të madh të biznesmenëve dhe riskut në shitblerjen e votës çdo dispozitë ndaluese e Kodit Zgjedhor duhet të jetësohet. Zbatimi i ligjit është kriter për kandidatët për ligjvënës.
Ky infografik është realizuar në kuadër të projektit “Fuqizimi i integritetit të zgjedhjeve dhe i qëndrueshmërisë së partive politike”, loti “Forcimi i rolit monitorues dhe kërkesës së llogarisë nga qytetarët nëpërmjet shoqërisë civile, medias dhe mbështetjes akademike”, zbatuar nga Komiteti i Helsinkit (KSHH) në partneritet me Institutin e Studimeve Politike (ISP), BIRN Albania dhe Qëndresa Qytetare (QQ), mbështetur financiarisht nga Ambasada Britanike.
