Aktivistët e “Dhoma Qytetare”, Bashkia Përrenjas, në kuadër të projektit CIVILISC, organizuan një fushatë informuese në lidhje me informacionin mbi kompetencat e bashkisë pas ndarjes së re territoriale. Sot mbi 1000 qytetarë të kësaj bashkie mësuan më shumë rreth të drejtave të tyre në lidhje me arsimin, kulturën, bujqësinë dhe infrastrukturën. Këto janë të drejta që përkthehen në detyrime të bashkisë. Sot të rinjtë e bashkisë Përrenjas u angazhuan për t’iu kursyer sa më shumë problematikat që solli shkrirja e komunave dhe përqendrimi i shërbimeve në një bashki të vetme. Ata janë të motivuar, të talentuar dhe të gatshëm t’i shërbejnë komunitetit ku jetojnë.
Rezultatet e projektit “Dhoma qytetare”: Forcimi i strukturave te pavarura qytetare ne dy bashkite e përzgjedhura duke forcuar rolin e qytetarit; Grupime qytetare aktive, te informuara dhe trajnuara ne lidhje me aktivitetin e bashkise, kontratat dhe shërbimet publike; Qeverisje me transparente me e përgjegjshme dhe me pranë qytetareve e përfituar nga presioni i ushtruar nga aktivitetet e projektit ne drejtim te bashkive; krijoi një force qytetare te angazhuar, pjesëmarrëse ne politikat dhe vendimmarrjen lokale dhe te afte për te kontrolluar punën e bashkise qe paguhet me taksat e tyre për te shërbyer.
Projekti “Dhoma qytetare” u mbështet nga programi CIVILSC, financim i Bashkimit Evropian.
