Gjatë viteve 2023-2024 Shqipëria është vlerësuar nga disa institucione ndërkombëtare përmes raporteve periodike mbi demokracinë, nivelin e zbatimit të ligjit, nivelin e lirisë së shprehjes dhe të medias, nivelin e korrupsionit dhe bilancin në jetësimin e shtetit të së drejtës.
Raportet kryesore referuese mbi Shqipërinë janë:
• Raporti i Freedom House mbi Shqipërinë (2024)
• Raporti i US. Departament of State për të Drejtat e Njeriut (2024)
• Raporti i Transparency International për indeksin e Korrupsionit (2024)
• Raporti i Reporter Without Borders për lirinë e medias (2024)
• Raporti i World Justice Project mbi indeksin e shtetit të së drejtës (2024)
• Raporti i Bashkimit Europian mbi progresin e Shqipërisë (2023)
• Raporti i Bertelsmann Stiftung, Transformation Index (2024)
Raporte të tilla, si dhe ato të shoqërisë civile brenda vendit, ofrojnë vlerësime, por edhe rekomandime për ndërhyrje përmirësuese.
• Institucionet kanë përgjegjësi politike dhe morale që të angazhohen për trajtimin e gjetjeve dhe rekomandimeve.
• Agjenda parlamentare, ekzekutive dhe institucionale duhet të reflektojë nevojat për ndërhyrje përmirësuese dhe akte konkrete të qeverisjes së mirë.
• Media, shoqëria civile dhe aktorët e tjerë duhet të jenë më aktiv në presionin pozitiv për llogaridhënie dhe fokusin te reformat.
Jetësimi i objektivave prioritare kërkon lidership vizionar, administratë të aftë, sistem meritokracie, pjesëmarrje aktive dhe gjithëpërfshirje në vendimmarrje.
Koha për zyrtarë, institucione dhe politikë të pastër!
Koha për integritet, transparencë e llogaridhënie në vendimmarrje!
Kjo video është realizuar në kuadër të projektit “Promovimi i llogaridhënies së zyrtarëve të zgjedhur”, i mbështetur nga National Endowment for Democracy (NED) dhe realizuar nga Instituti i Studimeve Politike (ISP).
