“Një dekadë Procesi i Berlinit: Mësimet e nxjerra dhe sfidat përpara» ishte tema e konferencës që mblodhi përfaqësues nga parlamentet e gjashtë vendeve të Ballkanit Perëndimor, përfshirë Shqipëria, në kuadër të projektit “Diplomacia Parlamentare: Bashkëpunimi Rajonal Përmes Dialogut të Përforcuar Parlamentar”. Takimi u mbajt në Sarajevë (Bosnje) me 12 dhjetor 2024.
Shqipëria u përfaqësua në nivel politik parlamentar z. Kreshnik Çollaku, Komisionit për Çështjet Europiane), në nivel administrativ parlamentar z. Altin Fuga dhe z. Denis Gila, këshilltarë, sekretariati teknik i Komisionit për Çështjet Europiane, si dhe znj. Juliana Bilbilaj, koordinatore e projektit nga Instituti i Studimeve Politike (ISP).
Delegacioni shqiptar mori pjesë aktive në punimet mbi perspektivën ndërkombëtare të procesit të Berlinit dhe qëllimet e ardhshme, si dhe në panelin mbi Ballkanin Perëndimor, mësimet e nxjerra gjatë një dekade dhe hapat e mëtejshëm. Paneli i dytë u moderua nga përfaqësuesi i ISP.
Projekti është mbështetur financiarisht nga Ministria e Jashtme gjermane dhe po zbatohet nga rrjeti i gjashtë organizatave rajonale nën koordinimin e Institutit për Demokraci (IDSCS) nga Maqedonia e Veriut, ku partner për Shqipërinë është Instituti i Studimeve Politike (ISP).
