Një nga format e ushtrimit të kontrollit parlamentar është organizimi i vizitave monitoruese dhe studimore të komisioneve përgjegjëse në institucionet, të cilat kryejnë raportime vjetore në Parlament. Kuvendi ka aplikuar forma të tilla disa herë në vitet e fundit.
Në seancën dëgjimore më 04.10.2023 në Komisionin për Edukimin dhe Mjetet e Informimit Publik, Kryetari i Këshillit Drejtues të RTSH-së apeloi:
- për fokusim e përfshirje të Kuvendit në institucionet e varësisë,
- për vizita monitoruese në institucion lidhur me problematikat e tyre,
- për nevojën e ndërhyrjes në legjislacion dhe ekspertizë juridike nga Kuvendi.
Këshilli Drejtues i RTSH-së zgjidhet nga Kuvendi dhe raporton aty. Në kushtet e konfliktit ligjor dhe institucional midis tij dhe pjesës ekzekutive të RTSH-së, Kuvendi ka rol dhe përgjegjësi për të monitoruar gjendjen dhe për të ofruar zgjidhje të qëndrueshme.
Vizita në institucion është një prej mekanizmave në funksion të kësaj përgjegjësie.
Ky infografik bëhet në kuadër të projektit “Rritja e llogaridhënies së qeverisë përmes një Parlamenti më reagues”, i cili realizohet nga Fondacioni Westminster për Demokraci (WFD) me mbështetje financiare nga Ambasada Britanike në Tiranë.
