Instituti i Studimeve Politike (ISP) në bashkëpunim me Kuvendin e Shqipërisë organizoi trajnim me nëpunësit e Kuvendit, mbi problematikat e konfliktit të interesit në aktivitetin parlamentar dhe në punën e vetë Kuvendit.
Aktiviteti është pjesë e projektit “Parlamenti i pastër: llogaridhënie dhe transparencë“ që po realizohet nga ISP, me mbështetjen e Programit të shoqërisë civile për Shqipërinë dhe Kosovën’, financuar nga Norwegian Embassy in Prishtina ne bashkepunim me Partners Albania for Change and Development. Pjesë e aktiviteteve do të jenë monitorimi i vazhdueshëm dhe shumëplanësh i praktikave të vendimmarrjes parlamentare referuar standardeve ligjore të parandalimit të konfliktit të interesit dhe të zbatimit të Kodit të Sjelljes.
Në trajnimin e zhvilluar në Kuvend, morën pjesë zv/kryetarja e Kuvendit, znj. Vasilika Hysi, Sekretari i Përgjithshëm z.Genc Gjonçaj, zj. Dorina Bita nga Partners Albania; stafi i Kuvendit dhe stafi i ISP. Trajnimi u realizua nga ekspertja e njohur, prof. Eralda Çani (Methasani). Gjatë trajnimit u diskutua mbi raste e praktika konkrete të konstatuara deri më tani, si dhe për mekanizma e instrumente të ndërhyrjeve përmirësuese për të ardhmen.
Më poshtë është edhe njoftimi zyrtar i Kuvendit mbi aktivitetin, publikuar në faqen e Kuvendit.
http://parlament.al/News/Index/7192
