Kuvendi i Shqipërisë është institucioni kryesor vendimmarrës dhe ushtrues i sovranitetit qytetar. Kushtetuta, ligjet dhe Kodi i Sjelljes përcaktojnë rregulla të qarta për rastet e konfliktit të interesit, për transparencën e veprimtarisë dhe përgjegjshmërinë e deputetit. Shqipëria ka detyrimin të ndërmarrë hapa konkretë për ndalimin praktik të konfliktit të interesit dhe abuzimeve me pushtetin.
Parlamenti përbëhet nga individë që kanë profesione dhe interesa të ndryshme, – nga politikanët e karrierës, tek prurjet e shumta nga biznesi privat. Mbi 15% e deputetëve kanë pranuar se kanë marrë vendime gjatë 2018 në konflikt personal interesi. Në funksionin parlamentar, deputetët nuk mund ta përdorin votën dhe mandatin për të promovuar, mbrojtur apo për të krijuar privilegje për interesat e tyre personale dhe financiare. Çdo deputet duhet të deklarojë rastet e gjendjes në konflikt interesi dhe të evitojë pjesëmarrjen në debat dhe vendimmarrje për to.
Instituti i Studimeve Politike (ISP) po zbaton projektin “Parlamenti i paster: llogaridhënie dhe transparence”. Pjesë e projektit është edhe realizimi i këtij spoti sensibilzues. Spoti mund të shihet dhe të shkarkohet nga adresa e ISP-së në youtube:
Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).
