Kur u miratua Kodi Zgjedhor u cilesua risi percaktimi i kufizimeve te perdorimit te pushtetit per privilegje elektorale, per rrjedhoje u vendos nje kufi 4 mujor perpara zgjedhjeve gjate te ciles do te kishte kufizime per vendimmarrjet qe mund te perbejne shkelje te etikes dhe paanesise ne zgjedhje.
Detyrimi ligjor
Kodi Zgjedhor (neni 91) ndalon propozimin, miratimin ose nxjerrjen e akteve ligjore ose nënligjore, të cilat parashikojnë dhënien e përfitimeve për kategori të caktuara të popullsisë, të tilla si aktet që parashikojnë rritjen e pagave, pensioneve, mbështetjes ekonomike apo sociale, uljen ose heqjen e taksave, vendosjen e amnistive fiskale, privatizimin apo dhënien e pasurive a të shpërblimeve, etj, në periudhën dhjetor 2020-prill 2021.
Problemi
Bashkia Tiranë dhe disa njësi të tjera vendore, si dhe institucione të ndryshme qendrore, kanë miratuar ose lançuar nisma dhe akte për dhënie amnistie financiare, për shpërblime, si dhe për përfitime të tjera për kategori të caktuara me qëllime elektorale.
Zgjidhja
KQZ mund e duhet të reagojë me akte konkrete administrative dhe me deklarim publik për zbatimin e ligjit dhe përballjen me pasojat ligjore të zyrtarëve përgjegjës.
Instituti i Studimeve Politike (ISP) është duke monitoruar KQZ dhe fushatën elektorale, si pjesë të angazhimit në projektin “Monitoring the 2021 Parliamentary Elections in Albania” mbështetur financiarisht nga qeveria e Mbretërisë së Bashkuar përmes ambasadës britanike në Tiranë.
