Detyrimi ligjor: Në përputhje me Kodin Zgjedhor, neni 64/2 kryetarët e partive politike dhe subjekteve zgjedhore deklaruan solemnisht se e gjithë struktura përfaqësuese e partisë respektive do të refuzonin të marrnin pjesë në praktikat të blerjes së votës, marrjes së financimeve apo përfitimeve të kundërligjshme, veçanërisht nga ato që vijnë nga aktivitete kriminale.
Problemi? Raporti paraprak i misionit të ODIHR, raporte të shoqërisë civile dhe raportime të medias kanë nxjerrë në pah pretendime të shumta për blerje votash, financim informal të fushatës apo përfitime të kundërligjshme të kandidatëve & subjekteve të ndryshme.
Zgjidhja? KQZ dhe Prokuroria duhet të hetojnë në mënyrë shteruese të gjitha rastet e raportimeve për shkelje të ligjit, si dhe kryetarët e partive politike të reflektojnë për të mbajtur premtimin, duke u distancuar nga çdo praktikë që bie ndesh me deklarimin solemn të mësipërm të ndjekur nga mbështetësit apo përfaqësuesit e tyre politikë.
Instituti i Studimeve Politike po zbaton projektin “Promovimi i llogaridhënies së zyrtarëve të zgjedhur”, i cili mbështetet financiarisht nga NED (National Endowment for Democracy).
