Thonë se çdo ëndërr mund të bëhet realitet, por ëndrra e shqiptarëve për tu bërë pjesë e BE-së mbetet ende një ëndërr në sirtar. Shqipëria kërkon të bëhet pjesë e BE-së, por “Europa” nuk na pranon as për sytë e bukur, as kostumet e shtrenjta që veshin liderët tanë dhe as për show-n që ata bëjnë gjatë fushatës. Europa kërkon standarde, Evropa kërkon demokraci funksionale dhe shtet të së drejtës, dhe janë pikërisht udhëheqësit tanë përgjegjësit kryesorë për realizimin e këtyre standardeve. Pikënisja e zgjidhjes duhet të jenë zgjedhjet dhe secili nga ne duhet ta mendojë mirë peshën dhe rëndësinë që ka vota e gjithsecilit. Ndaj më 14 maj ju ftoj të gjithëve të merrni pjesë në votime dhe të votoni jo nisur nga emocione e interesa partiake por bazuar në vlerat dhe parimet e secilit kandidat. Mos harroni, pas zgjedhjeve të kërkohet prej tyre të plotësohen të gjitha ato premtime që na janë dhënë gjatë fushatës elektorale.
Ky video-mesazh bëhet në kuadër të projektit “Zgjedhjet vendore 2023: monitorimi i rolit të qeverisë dhe burimeve shtetërore, i cili mbështetet financiarisht nga fondacioni gjerman “Konrad Adenauer” në Shqipëri.
