Sfida kryesore 2025 është procesi zgjedhor, – një test i rëndësishëm për aftësinë e Shqipërisë për të shndërruar zgjedhjet në zgjidhje dhe për të jetësuar standardet kushtetuese e ligjore për një proces transparent, konkurrues, cilësor dhe legjitim.
Cili është perceptimi qytetar për partitë/kandidatët dhe sistemin zgjedhor?A mundet që partitë të jenë demokratike nga brenda dhe alternativa cilësore?Cili është modeli cilësor i ofertës politike që përputhet me nevojat e vendit?A duhet që kandidatët të jenë produkt i primareve brenda partive politike?Përse është thelbësore që të kemi kandidatë të pastër dhe me integritet?Cili është roli dhe përgjegjësia e institucioneve për një proces transparent?Sa rëndësi ka pjesëmarrja në votim dhe vota aktive e qytetarëve?Si mund të shndërrohen zgjedhjet në katalizator për demokracinë funksionale?Cili është roli dhe vlerësimi i shoqërisë civile dhe studentëve/brezit të ri?Këto dhe të tjera tematika plotësuese u diskutuan në forumin e hapur me studentë “Fuqizimi i integritetit të zgjedhjeve dhe i qëndrueshmërisë së partive politike” organizuar nga Instituti i Studimeve Politike (ISP) me studentë nga fakulteti i shkencave humane dhe drejtësisë në Universiteti Ismail Qemali Vlorë dhe përfaqësues të shoqërisë civile atje. Profesorët Ervin Karamuço dhe Jonida Mehmetaj, si dhe ekspertët Alketa Dhimitri (Qendra Rinore) dhe Juljana Bilbilaj (ISP) kontribuuan në diskutimin e hapur.
Aktiviteti realizohet në kuadër të projektit që ISP në bashkëpunim me Komiteti Shqiptar i Helsinkit, BIRN dhe Qëndresa Qytetare po zbaton, mbështetur financiarisht nga British Embassy Tirana.
