Baza ligjore në fuqi? “Person i zhdukur”, është personi i arrestuar, i burgosur, i rrëmbyer ose të cilit i është hequr liria në çdo formë tjetër nga agjentë të shtetit apo nga persona të tjerë a grupe personash, që kanë vepruar me autorizimin, mbështetjen ose miratimin e shtetit, pasuar nga fshehja e fatit të personit të zhdukur dhe e vendit ku gjendet ai, duke e shkëputur nga mbrojtja e ligjit.
Problematika e konstatuar? Shqipëria ende nuk ka një database të plotë, transparente dhe funksionale mbi personat e zhdukur gjatë periudhës komuniste. Mungesa e kësaj database së plotë dobëson jetësimin e drejtësisë tranzitore, vendimmarrjen politike, nismat dhe aktet konkrete në drejtim të zbardhjes së rasteve/hetimin e tyre.
Rekomandime për ndërhyrje? Kuvendi dhe Këshilli i Ministrave kanë rol thelbësor në plotësimin e bazës ligjore dhe financiare, të angazhimit dhe sensibilizimit, për të siguruar të dhëna të plota, transparencë dhe database funksionale mbi të gjithë qytetarët e vrarë dhe të zhdukur gjatë periudhës 1945-1990.
Ky infografik është realizuar në kuadër të projektit “Mbi viktimat e kufirit: Informim e sensibilizim për viktimat e vrasjeve dhe zhdukjeve gjatë arratisjeve në kufij gjatë viteve 1988-1991”, i cili po mundësohet nga International Commission on Missing Persons, ICMP përmes grantit të financiar nga Bashkimi Evropian në Shqipëri. Përmbajtja është përgjegjësi vetëm e ISP-së.
