Standardi i Kodit të Sjelljes? Kodi i Sjelljes parashikon detyrimin që çdo deputet, i cili ftohet dhe merr pjesë në aktivitete ose veprimtari të ndryshme të organizuara nga të tretë, bën deklarimin përkatës në Regjistër, i cili duhet publikuar rregullisht.
Problematika e konstatuar? Monitorimi nga ISP tregon se Kuvendi nuk ka publikuar asnjë rast të pjesëmarrjes së deputetëve në aktivitetet e të tretëve, ndonëse pjesëmarrës të tillë kanë qenë një numër i madh deputetësh.
Zgjedhje dhe rekomandime? Kuvendi ka përgjegjësinë të zbatojë detyrimin ligjor dhe në çdo rast, të detyrojë deputetët të deklarohen në Regjistër ose në rast refuzimi, deklarimi të bëhet nga institucioni duke ndërmarrë akte ndaj deputetit sipas normave të Kodit të Sjelljes.
Ky infografik është realizuar në kuadër të projektit “Një parlament me integritet: Kodi i Sjelljes, Transparenca dhe Llogaridhënia”, i cili po zbatohet nga ISP me mbështetjen financiare të Programit të Granteve të Vogla të Komisionit për Demokraci të Ambasadës së SHBA në Tiranë. Opinionet, gjetjet, konkluzionet dhe rekomandimet e shprehura janë të ISP-së dhe nuk përfaqësojnë domosdoshmërisht ato të Departamentit të Shtetit.
