Call: Ekspert për hartimin e tre raporteve periodike

Instituti i Studimeve Politike (ISP) kërkon të kontraktojë një ekspert të jashtëm për përgatitjen e raporteve periodike mbi aktivitetin parlamentar, pjesë e projektit “Monitorimi i Kuvendit dhe veprimtarisë parlamentare 2021-2022”, që ISP do të implementojë me mbështetjen e  Agjencisë Zvicerane për Zhvillim dhe Bashkëpunim në Shqipëri me të cilën ISP ka nënshkruar një kontratë granti.

Rreth projektit

Projekti aktual i monitorimit të parlamentit dhe aktivitetit parlamentar jetësohet me mbështetjen e ambasadës së Zvicrës në Shqipëri  dhe Agjencisë Zvicerane për Zhvillim dhe Bashkëpunim në Shqipëri. Ky projekt synon, Monitorimin e Kuvendit për të mundësuar transparencë dhe llogaridhënie përmes vlerësimit të programit të transparencës në Kuvend dhe efikasitetit të veprimtarisë së deputetëve dhe grupeve parlamentare në lidhje me detyrimet kushtetuese, aktet rregullatorë ligjore dhe të brendshme parlamentare. Qëllimi kryesor është ndikimi pozitiv në rritjen e transparencës, llogaridhënies dhe aktivitetit përfaqësues të Kuvendit dhe deputetëve. Monitorimi aktiv i Kuvendit dhe aktiviteti i deputetëve është i favorshëm për krijimin e një sistemi të vlerësimit publik

Qëllimi i shërbimit

Kërkohet bashkëpunimi me një ekspert të jashtëm për hartimin e raporteve periodike mbi aktivitetin parlamentar 2021-2023. Eksperti është përgjegjës për draftimin e raportit, ofron gjetjet dhe rekomandimet kryesore drejtuar Kuvendit, bashkërendon punën me ekspertët e tjerë monitorues dhe ligjorë të projektit dhe  është përgjegjës për promovimin publik të raporteve në takime/konsultime, etj, si dhe për përgjegjësi të tjera të poshtëshënuara te detyrat dhe përgjegjësitë e ekspertit.

Te gjitha te dhenat e thirrjes, kriteret dhe aplikimit gjenden ne linkun:

ToR Kerkese per oferte – Ekspert per shkrim raporti