Më 11 Maj 2025 u zhvilluan zgjedhjet parlamentare, të cilat normalisht duhet të lidhin qytetarët me vendimmarrjen, ndërsa standardet e tyre janë kusht thelbësor për një demokraci funksionale, shtetin e së drejtës dhe progresin drejt BE-së. Zgjedhjet duhet të shoqërohen edhe me cilësi përfaqësimi. Debati mbi programet duhet të jetë i ndërlidhur me debatin mbi kandidatët, rekordet e tyre personale në raport me dekriminalizimin, korrupsionin dhe integritetin.
- Si ishte komunikimi politik mbi integritetin dhe figurat me rekorde kritike?
- Si u trajtuan në diskursin politik rastet e kandidatëve me akuza penale, dënime apo konflikt interesi?
- Si u adresuan çështjet e dekriminalizimit dhe pasurisë së zyrtarëve të lartë në fushatë elektorale?
- A pati subjekte që respektuan ligjin dhe krijuan distancë nga figura problematike?
- A ishin mesazhet për integritet, pastërti të figurës dhe llogaridhënie pjesë reale e fushatës?
- Në ç’mënyrë ndikoi perceptimi i publikut ndaj kritereve të dekriminalizimit?
- Roli i platformave të verifikimit publik si databaza e dekriminalizimit (dekriminalizimi.isp.com.al) në informimin publik?
- Roli i institucioneve ligjzbatuese dhe sfidat kryesore të dekriminalizimit për të ardhmen?
ISP ka monitoruar diskursin publik dhe politik gjatë muajve të fundit (procesit zgjedhor dhe pas tij) dhe stafi monitorues ka hartuar një raport periodik.
Ky raport është realizuar në kuadër të projektit “Promovimi i llogaridhënies së zyrtarëve të zgjedhur”, i mbështetur nga National Endowment for Democracy (NED) dhe realizuar nga Instituti i Studimeve Politike (ISP).
Raporti mund të aksesohet ne adresen www.dekriminalizimi.isp.com.al
