Baza ligjore në fuqi? Kolegji Zgjedhor luan rol thelbësor në legjitimimin e akteve të KQZ dhe të standardeve të administrimit zgjedhor. Kolegji është i pavarur dhe përbëhet nga gjyqtarë të apelit që kanë kaluar me sukses vetingun.
Problematika e konstatuar? Në tërësi vendimmarrja dhe aktet e Kolegjit Zgjedhor kanë qenë pasive, duke u përqendruar në aspekte proceduriale të ligjit apo ankimimeve, si dhe duke mos ofruar njësim standardesh dhe ndryshim cilësor për zgjedhjet.
Rekomandime për zgjidhje? Forcimi i komponentit të Kolegjit, bazuar edhe në përvojën e Kosovës, do të krijonte një mjedis më të besueshëm, më funksional dhe më plotësues për integritetin e zgjedhjeve dhe konceptit të drejtësisë në vendimmarrje.
Ky infografik është realizuar në kuadër të projektit “Fuqizimi i integritetit të zgjedhjeve dhe i qëndrueshmërisë së partive politike”, loti “Forcimi i rolit monitorues dhe kërkesës së llogarisë nga qytetarët nëpërmjet shoqërisë civile, medias dhe mbështetjes akademike”, zbatuar nga Komiteti I Helsinkit (KSHH) në partneritet me Institutin e Studimeve Politike (ISP), BIRN Albania dhe Qëndresa Qytetare (QQ), mbështetur financiarisht nga Ambasada Britanike.
