Detyrimi ligjor: Prokuroria dhe organet ligjzbatuese kanë nisur procese të ndryshme hetimore lidhur me shkeljet ligjore para dhe gjatë procesit zgjedhor 2021. Hetimet e plota dhe vendimmarrja shteruese ligjore kërkon kohë.
Problemi? Nevoja për hetime solide dhe për përballjen me drejtësinë të secilit individ përgjegjës është prioritare për besimin tek drejtësia, zgjedhjet dhe demokracia përfaqësuese. Për këtë arsye partitë duhet të deklarojnë publikisht “heqjen e imunitetit” dhe të mbështetjes politike për çdo individ nën hetim, pavarësisht pozitës së tij/saj në hirearkinë politike. Vullneti politik për drejtësi zgjedhore është thelbësore për integritetin e procesit dhe impaktin afatgjatë të saj.
Zgjidhja? Partitë, në nivel të lartë lidershipi, duhet të deklarojnë publikisht mbështetjen për çdo rast hetimor nga organet ligjzbatuese, të bashkëpunojnë me drejtësinë dhe të refuzojnë marrjen apriori në mbrojtje apo promovimin partiak të individëve nën hetim ligjor.
Instituti i Studimeve Politike po zbaton projektin “Promovimi i llogaridhënies së zyrtarëve të zgjedhur”, i cili mbështetet financiarisht nga NED (National Endowment for Democracy).
