Baza ligjore: Në procesin zgjedhor institucionet që janë në konflikt interesi, kandidojnë vetë në zgjedhje, do të duhet të sigurojnë barazi, transparencë dhe standarde llogaridhënie duke evituar vendimmarrje abuzive me qëllime elektorale.
Problemi? Gjatë procesit elektoral këshillat bashkiakë vijojnë të marrin vendime që kanë impakt te votuesit dhe që shihen gjerësisht si akte në funksion të fushatës dhe përfitimit nga pozita zyrtare.
Rekomandimi? Qeveria dhe prefekturat duhet të sigurojnë evitimin e përfshirjes abuzive të qeverisjes vendore në fushatë, KQZ duhet të trajtojë rastet më flagrante dhe partitë duhet të respektojnë etikën zgjedhore dhe nevojën për një proces me integritet.
Ky infograf bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, mbështetur nga Ambasada e Mbretërisë së Vendeve të Ulta përmes programit MATRA.
