Standardi ligjor? Kushtetuta dhe legjislacioni në fuqi njohin të drejtën e barabartë të votës për të gjithë shtetasit mbi 18 vjec, pavarësisht gjendjes shëndetësore dhe sociale. Shteti ka detyrime për të mundësuar mjetet, infrastrukturën dhe aktet nënligjore për parandalimin e çdo pengese të mundshme.
Problematika e konstatuar? Një pjesë e madhe e votuesve me nevoja të veçanta, në gjendje shëndetësore spitalore, në pamundësi lëvizjeje, etj, privohen nga e drejta e votës për shkak të mungesës së infrastrukturës, pajisjeve apo pamundësisë për të shkuar te qendrat e votimit.
Zgjedhje dhe rekomandime? Këshilli i Ministrave dhe institucionet qendrore e vendore kanë përgjegjësinë të koordinojnë masat e tyre me KQZ për të mundësuar akses në votim dhe informim cilësor për të gjithë shtetasit në nevoja të veçanta. Vota me postë mund të merret në konsideratë në raste specifike.
Ky infografik bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, me mbështetjen e Ambasadës së Mbretërisë së Vendeve të Ulta në Shqipëri.
