Bazuar në objektivat e Strategjisë Ndërsektoriale të Decentralizimit të Pushtetit Vendor për ta kthyer qeverisjen vendore nga një qeverisje e mbyllur në një qeverisje të hapur, transparente dhe të orientuar nga qytetarët, ISP monitoroi zbatimin e ligjit Nr. 119/2014 për të Drejtën e Informimit në 4 nga bashkitë e reja më të mëdha (Tirane, Durrës, Shkodër, Vlorë), si dhe ne njesitë administrative të tyre të krijuara në bazë të ndarjes së re territoriale. Ka pasur problematika sa i takon zbatimit të këtij ligji qoftë në njësitë e qeverisjes qëndrore dhe ato lokale për shkaqe objektive dhe subjektive. Sipas raporteve të studimit nga organizatat e huaja dhe vendase organet e pushtetit vendor kanë problem me përditësimin e ueb faqeve të internetit ose mungesë të tyre, zbardhjen dhe publikimet e plota në kohë të vendimeve të Këshillit Bashkiak si dhe kthimin e përgjigjeve zyrtare në kohë të kërkesave për informacion të qytetarëve.
Monitorimi i ISP paraqet një pasqyrë të saktë dhe të plotë mbi nivelin e zbatueshmërisë së ligjit për të drejtën e informimit, parimeve të transparencës dhe qeverisjes së hapur dhe përcaktoi nivelin e ndërhyrjes së nevojshme për të mundësuar vënien në zbatim të këtij ligji në njësitë e qeverisjes vendore cdo 3 muaj gjatë kohëzgjatjes së projektit. Njëkohësisht nëpërmjet grupit të ekspertëve që ISP zotëron, ndërmarri nismën informuese “Bashki e Hapur” e cila konsistoi në takimet me qytetarët për të ndërgjegjësuar dhe nxitur ata të përdorin ligjin e të drejtës së informimit në funksion të transparencës, informimit publik dhe llogaridhënies për cështjet lokale dhe personale në lidhje me bashkitë e reja.
Broshura informuese e projektit BASHKI E HAPUR eshte bashkengjitur:
BASHKI E HAPUR – KODI I TRANSPARENCES
http://www.levizalbania.al/images/Raport-per-te-drejten-e-informimit.pdf
