Procesi i Berlinit, ecuria, problematika dhe sfidat 2025? Roli i institucioneve kryesore (Kuvendit, qeverisë, shoqërisë civile dhe institucioneve të pavarura? Një raport periodik i ISP paraqet gjendjen aktuale dhe sfidat për vitin vijues. Për të diskutuar gjetjet dhe rekomandimet e tij, ISP zhvilloi një takim konsultues me ekspertë të Kuvendit në çështjet e integrimit. Gjatë tryezës u theksuan vlerësimet e deritanishme të procesit të Berlinit dhe projektit monitorues nga ISP, si dhe u adresuan disa nga çështjet më prioritare. Shqipëria ka shënuar progres në raport me disa vende rajonale, megjithatë në kuadër të përgjithshëm dhe në raport me synimet e Procesit të Berlinit prioritare mbeten:
📌 Agjenda e Reformave duhet të jetë prioritet në nivelet e qeverisjes
📌 Përmirësim i koordinimit financiar, forcimin e mekanizmave institucionalë
📌 Angazhim më i madh të aktorëve publikë, shoqëria civile, sektori privat
📌 Fokus në infrastrukturën digjitale përmes investimeve strategjike
📌 Koordinim më të mirë i ministrive përgjegjëse për transformimin digjital, politikave energjetike dhe reformave për transportin.
📌 Kuvendi të ketë roli aktiv në miratimin e legjislacionit të nevojshëm
📌 Angazhim për legjislacion efektiv, mbikëqyrje legjislative dhe politika gjithëpërfshirëse
📌 Dialog gjithëpërfshirës mes institucioneve kombëtare dhe rajonale
📌 Politikë lehtësuese për tregtinë ndërkufitare të energjisë
📌 Monitorim aktiv i shoqërisë civile në zbatimin e politikave, lobimit për transparencë
📌 Vlerësim i pavarur i progresit të Shqipërisë në CRM / AR
Raporti është pjesë e projektit “Diplomacia parlamentare: Bashkëpunimi rajonal përmes dialogut të përforcuar parlamentar” udhëhiqet nga Instituti për Demokraci (IDSCS) – Maqedonia e Veriut me partnerët nga rajoni i Ballkanit Perëndimor: Instituti Alternativa (IA) – Mali i Zi, Instituti për Studime Politike (ISP) – Shqipëri, QKTLL – Qendra për Kërkime, Transparencë dhe Llogaridhënie – Serbi, Instituti Demokratik i Kosovës (IDK) – Kosovë dhe Rrjeti i Iniciativave Progresive (RrIP) – Bosnjë dhe Hercegovinë. Financimi bëhet nga Ministria e Jashtme e Gjermanisë.
